香港景點賀年朱古力

Sayvour的朱古力一向有心思,像新出的賀年朱古力片禮盒,在70%濃度黑朱古力片上印了香港旅遊景點:天壇大佛、昂平360纜車、摩天輪等,配以心想事成、出入平安等語句,有意頭又有親切感,優惠價$338/盒。另有祝賀語禮盒,有8粒和15粒裝的「HAPPY CNY」及20粒裝的「KUNG HEI FAT CHOI」等信息選擇。亦歡迎用字母朱古力自組信息,變成獨一無二的「信件」。字母朱古力有慕絲脆脆黑朱古力、夏威夷果仁白朱古力、士多啤梨脆片白朱古力揀,全由人手製作,又無添加防腐劑,絕對適合送給至愛親朋。查詢:2951 0005
2020-01-10, 週五

奇華 X Sanrio賀年美食

今年奇華餅家再次聯乘Sanrio,推出多款包裝精美嘅糖果禮盒、年糕禮盒,仲有新口味紫米紅米合桃糖年糕、特別版什錦蝴蝶酥禮盒!孖裝年糕禮盒($128)內有Hello Kitty迷你亞嫲糖年糕、My Melody迷你椰汁糖年糕各一個。糖果禮盒就更別緻,全套六罐,$38/罐,印有不同Sanrio角色,並分別放滿南棗合桃糕、芝麻花生軟糖、老薑糖。即日起至 1月24日購買奇華任何產品折實滿$50,即可以優惠價$38換購Sanrio天然竹纖維托盤一個,正好擺放六盒糖果禮盒,新年放在家,喜氣洋洋!
2020-01-08, 週三

鯉躣龍門年糕禮盒

明珠海景首次出賀年糕品,更將禮盒設計成一條立體錦鯉魚,寓意年年有餘、非常好意頭!糕品選擇包括臘味瑤柱年糕、富貴椰汁年糕及如意杞子桂花糕,優惠價$118起。均選用優質材料於香港新鮮製作,由剛於日本福岡勇奪名廚精英薈銀獎的呂江紅師傅親自主理,質素有保證。2361 1172(明珠海景)、2972 2666(田舍家)
2020-01-08, 週三

立體大桔糖果全盒

新年買桔放家中,寓意大吉又大利,Sugarfina嘅立體新年大桔糖果全盒,除咗作為裝飾,仲可以做全盒,兼可品嚐八款糖果!禮盒面有五個立體大桔,非常搶眼,盒內糖果有三款屬全新口味,包括荔枝味Lotus Flowers、橘子Tangerine Slices、黑朱古力糖漬橙皮Dark Chocolate Orange Peels。其餘五款是人氣香檳小熊軟糖Champagne Bears、金色Sugarfina Pearls、玫瑰花形Bella Rosa、Fuji Apple Caramels、內有原粒糖漬柑橘嘅Apollo Kumquats,部分設散買,$88/盒。海港城、ifc同太古城中心期間限定店有售。
2020-01-08, 週三

小丸子保溫瓶套裝

東海堂新出嘅小丸子不銹鋼保溫瓶,以紅黑為主色,好搶眼呀!加上保溫瓶連杯, 又送埋麻質手挽袋,方便大家隨時帶佢出街。瓶內其實放滿東海堂全新紅桑子味脆脆,嚴選優質紅桑子粉配來自法國嘅脆片,好滋味。小丸子保溫瓶套裝加一盒8件嘅紅桑子味脆脆,優惠價$128,數量有限,可於東海堂各分店或網店購買。查詢:2101 1333
2020-01-07, 週二

天然果蜜茶隨身飲

Nicole's Kitchen嘅產品一向標榜人手製作、天然無添加,其中甚受女士歡迎嘅果蜜茶,又推岀新口味嘞!包括養顏「水蜜桃玫瑰果茶」、生津解膩「烏梅蘋果果茶」,同埋潤喉開胃「蘋果洛神花山楂果茶」,口味配搭清新又合時令,最重要係獨立小包裝,方便存放及攜帶!果蜜茶除咗沖水,亦可配梳打水、茶飲,加落雪糕、乳酪又得!冬日仲有限定「金橘雪梨果蜜茶」同「檸檬蜜糖果茶」,夠晒滋潤!$125/盒 (8包)
2019-12-27, 週五

Lady M新春糖果寶盒

買個別緻又搶眼嘅賀年全盒放在家,有助提升節日氣氛,Lady M今年推出嘅賀年糖果盒,不但喜氣洋洋,仲可以成為珠寶盒。全盒設計靈感來自古典中式櫃子,熨金花紋配金色流蘇,一開櫃門,內有兩層抽屜及小鏡子,夠晒實用。每個寶盒連6款糖果,例如菠蘿椰子軟糖、芝麻夾心朱古力、糖脆杏仁等,再送一套印有趣緻老鼠圖案嘅利是封。糖果禮盒優惠價$788,2020年1月1日將起以禮券形式發售。查詢:3956 1491
2019-12-27, 週五

免費食KFC榴槤葡撻

1月6日至1月19日KFC銅鑼灣概念店限定推岀「D24榴槤雲朵葡撻」($12),榴槤果蓉配南瓜粉和棉花糖,香濃味甜,口感富層次。特設「葡撻狂熱」套餐(6件、$52),包括3件經典葡撻及3件D24榴槤雲朵葡撻,同一時間滿足不同人口味。1月5日下午三時,將於概念店限量派送100件榴槤雲朵葡撻俾大家試,詳情請看KFC Facebook官方帳號。
2019-12-24, 週二

潮州菜國際大賽頒獎典禮暨晚宴

首次在香港舉行的潮州菜國際大賽頒獎典禮暨晚宴,12月18日於香港麗思卡爾頓酒店完滿結束,出席人員包括財政司司長陳茂波先生、中央駐港聯絡辦及潮汕四市政府官員、社會名流、餐飲界名師及一眾香港潮屬社團機構及其會員。是次大賽規模龐大,吸引了近六十隊廚師赴港參賽,包括港澳台地區和內地、星馬泰等國。經評審委員會權威且公正的評分後,最後選出了大賽金、銀、銅獎、最高級別的至尊金獎、超特金獎及特金獎的得獎單位,並於晚宴期間頒發獎項予以肯定。比賽期間,每位名廚都拼盡全力展示刀工和廚藝,凝聚世界潮菜力量,為中華美食文化增添光彩。
2019-12-20, 週五

Amanda S設計MÖVENPICK®甜品

Amanda S最近與MÖVENPICK®合作,把多款MÖVENPICK®經典口味雪糕設計成美味甜品,包括紅桑子曲奇,士多啤梨雪糕配曲奇及紅桑子,好醒神。另有朱古力心太軟配雲呢拿雪糕、酥皮泡芙配朱古力岩鹽焦糖雪糕、楓糖核桃雪糕及意大利芝士蛋糕雪糕,別有一番滋味。如果你都技癢,不妨參加甜品挑戰賽。你可在Amanda S的食譜上加添創意,又或設計獨一無二的雪糕甜品,將作品上載及分享至於Instagram及Facebook,並完成指定步驟,勝出者將有機會贏取萬元廚具套裝,包括蒸焗爐及烘焙工具。詳情可瀏覽MÖVENPICK®網站。
2019-12-19, 週四