廣傳!強筋骨6大湯水食譜



話咁快又到馬拉松比賽嘅大日子,各位參加者正在努力備戰,保持最佳狀態。


不妨同時進補以強化關節,跑起上黎自然有心有力,


比賽過後又可以飲湯紓緩筋骨疲勞。


 

1. 五指毛桃豬腱湯


豬腱指豬小腿嘅肌肉,內藏筋,富含蛋白質,具補中益氣、強化關節之效。而五指毛桃可稱為「南芪」,既有北芪健脾補氣作用,又能行氣利濕和舒筋骨。

2. 花生雞腳木瓜湯


雞腳蘊含豐富膠質及鈣質,對皮膚同筋骨都好好,並能軟化血管,加埋花生煲湯,增加維他命B1,仲可以抗衰老,呢款湯絕對係最平民嘅美顏養生補品。

3. 赤小豆粉葛鯪魚湯


赤小豆粉葛鯪魚湯好適合一家大細飲,鯪魚活血行氣,平時周身骨痛、頸項活動不便,可作輔助治療。如運動過後肌肉酸痛,幫助筋骨舒展。至於粉葛亦達解肌退熱、生津止渴之功效。

4. 強健筋骨湯


強健筋骨湯睇個名好似好厲害,其實係由牛大力、鑽地老鼠加土茯苓煲湯而成,牛大力及鑽地老鼠都能疏通經絡,特別針對上班族,坐得多頸梗膊痛,肌肉酸痛、精神狀態不佳者,飲完十分舒暢。

5. 鵪鶉杜杞湯


鵪鶉富含卵磷脂,為神經組織和脂肪代謝嘅重要物質,防止動脈硬化。中醫強調「腎主骨」,強健筋骨可從補腎氣開始著手,杜仲治療腎虛腰痛、筋骨無力相當有效!

6. 海帶花生豬腳湯


想吸取足夠膠原蛋白,唔駛花錢買大量保健產品!豬腳富含動物性膠質, 


海帶則含高鈣,其中嘅藻膠酸對骨頭酸痛有幫助,預防治療雙重療效。

 


更多相關文章:營養餐單 助你備戰馬拉松


你或有興趣的文章:自煮6大邪惡芝士菜


今晚出街食乜好:日本通報料!首間純白Starbucks面世