浴室濕氣重，通風做得不夠好，即有機會散發異味。
勤開窗或抽氣扇，又或者定期清理排水口都有幫助。仲有仲有！就係噴灑或擺放空氣清新劑。
不過佢地始終係化學物品，吸得多未必係好事，不如試下以下3種天然香味劑啦！
檸檬片
將新鮮檸檬切片，稍微乾燥後，放置小碟上再擺喺浴室。
空氣自然會慢慢飄散一種檸檬清香，蓋過難聞嘅臭味。
朝早起身刷牙洗面時，聞到一陣陣檸檬香味，即刻醒晒！
而且鮮黃色嘅檸檬，仲可以為浴室帶來清新視覺享受呢！
橙皮
食橙之後剩低嘅橙皮，唔好即刻掉入垃圾桶，放喺浴室嘅角落位置，有助驅散異味。
不過記得要先洗淨及抹乾橙皮，並徹底去除果肉。
否則香甜嘅橙肉有機會吸引昆蟲，分分鐘比臭味更得人驚！
柚子
同樣係柑橘類水果成員，與橙皮處理手法相似。
清潔好柚子皮後，放喺浴室或馬桶附近，有助消解異味。
更多相關除臭文章：3個方法！消滅雪櫃異味
你或有興趣的環保文章：DIY清新劑 天然唔化學
